هذه القصه لشخص كان يحب فتاه وكانت دنيته كلها وعيونه اللي يشوف فيها
ولكن اراد الله أن يكون بجواره
قبل ان توافيه المنيه طلب رؤية أعز أصدقائه وطلب منه هذا الطلب :
وش تتوقعوا يكون هالطلب
طلب منه انه يحب حبيبته
وهذه الابيات توضح كيف يبغاه يحبها
وصيتي لك من بعدي تموت فيها على شاني
ابيها تعيش وتحيابك واظل بالذاكره مفقود
وصيتي لك تنسيها ملامح وجهي وتنساني
وتعزفها قصيدة حب على عكس اللي عزفته بعود
وصيتي لك تبعدها عن اشعاري وقيفاني
تراها مغرمه بالحيل ويشهد لي عدد الردود
وصيتي لك تسايرها ترى فيها من احزاني
طلبتك لا يضيق بالك طلبتك والطلب مردود
وصيتي لك تناديها حياتي..عمري.. ازماني
أنا عودتها دايم ادلعها وانا موجود
وصيتي لك تعاملها بطيبه قلب واحساني
تراها تذرف الدمعه ودمعتها بليا حدود
وصيتي لك تحفظها سور وآيات قراني
وتخبرها عن الميت رحل لايمكنه بيعود
وصاتي لك ترسمها على قبري واكفاني
ابيها لوحة تبقى على طول الزمن محدود
وصيتي لك تقهويها من دلالي وفنجالي
تراها تعشق السمرا ويكفيها دخون العود
وصيتي لك تركبها على خيلي وعلى احصاني
وربي فارسه من قلب شهادة ماهي لشهود
وصيتي لك تسفرها بلاد الشام ولبناني
ترى يحلالها تقطف ورده من بلد الورود
وصيتي لك ترقصها على الحان رحباني
ترى فيها عرق خالة وفيها من جنون السود
وصيتي لك تحببها فأبو نوره بعد هاني
وتنسيها ندم غلطه انا فيها ترى المقصود
وصيتي لك تكرهها في تاريخي وعنواني
ابيها تلعن اللحظه وتلعن كل فرح موعود
وصيتي لك تكلمها عن المجني وعن الجاني
وتخليني انا الظالم وانا من حرق الاخدود
وصيتي لك تشبهني بدم احمر قاني
وانا هالقاتل السفاح مجرم من عصر نمرود
وصيتي لك تحلفها تتوب تحبني ثاني
ترى يكفيها ما عانت ويكفي حيلها مهدود
وصاتي لك تنسيها وصية قالها لساني
انا اخبرك رجل موقف وانت قدها وقدود
صديقي مالقيت غيرك يعرف وشلون تنساني
امانه ضمها بقلبك تراني راحل ولا بعود
مع تحياتيييييييييييييييييييييييييييي
(love)
التسجيل السريع إلى المنتدى
06-12-2005, 08:27 PM
الأعضاء الذين قرأو الموضوع :- 0
العرض العادي
