.
.


فررااغ .. وكيف ابو صف لك عن اللي لاسمعتيني
يهدّ الانتظار اللي بنيته بأول الأحزان

صحيح .. إن القلوب أوهى من احساسي وتكويني
وصحيح إن النصيب أقوى من الأحلام والأشجان

أحبك .. بس ماربي موفقني تحبيني
وافي بس ماربي مقدّرني على النسيان

تقولي لي متى تامن .. وتتركني على ديني
بودّي بس كيف آمن على ديني من العصيان

سوالف نصها يكفي .. يموّتني ويحييني
ويبقى نصها الثاني نصيب الشك والبهتان

عرفتك هدنة شعوري ..على كيفك تراضيني
وإذا زعل الرضا مني .. رضيتي والرضا زعلان

أجي ودي عناقك .. بس .. خايف لاتصدِّيني
واجي ودي فراقك بس .. ( ضحكة صوتك ) الفتَّانْ

تضيِّعني ورا حزني .. تدوّخني .. ترابيني
وأجي مديون من قلبي .. وانا اللي فا لأصل ..ديَّان

مسافة بيننا هلحين .. لكن بينك وبيني
تضيِّع نفسها اللحظة .. وتسألنا عن العنوانْ

أحس إنك قريبة حيييل .. واحساسي يبكّيني
وأحس انك بعيده ويل .. واحساسي يجي ولهان

مصيبة قلبي المسكين .. يوم انك عرفتيني
متى بقبل .. متى بخجل .. متى بغضب وانا الغلطانْ

أفكِّر من هذاك اليوم .. : (حلمي لو تشوفيني )
أفكر ننتهي لكن .. أحن لموطن اللي كان

ركام الذكريات أكبر .. من حروفك تجافيني
وخصام الأغنيات أجمل إذا حزنك خلق فنان

ولكن كل ما فكَّرت واستبشرت .. جيتيني
غسلتيني وانا مشغول بين الشك والإيمان

وتبقى نفسها الحالة .. تكرر بس في عيني
ثياب الذنب في منطقك هي اللي على الغفران

وأنا مدري متى صدَّقت في طيبتك تخميني
ولا حتى متى كذَّبت هوجاسي وهو شيطان

ولا وش عاد يبقالي .. بقلبك لاذكرتيني
ولا وش عاد يبقالك بتاريخي مع الحرمان

بس اللي أعَرْفه زين .. احبك ماتحبيني
ولا ربي مقدرني إذا بنسى على النسيان

.
.

..مماا راق لي..

طابت اوقاتك بالخير خيتو صدى الصمت


مشاعر رائعه واحساس جميل صادق أجاد الشاعر

دمجها في قالب شعري رائع ..


تقبلِ ارق تحياتي

بصرراحه حيل حلوووووووه ولا تحرمينا

ارجنو اسعدني مرورك
لاتحرمني منه

سويت كات
الله لايحرمني مرورك

صدى الصمت

أبيات في منتهى الروعه

لا حرمنا من جديدك خيتو

تقبلي خالص شكري و تقديري

اهلين صدق مشكورة حبيبتي
على المرور والله لايحرمان من طلتك الحلوة