<><>غالــــي أنــــت<><>

غالي انت وماتهون يابعد كل العيون
ليتني بقربك اكون وكل اوقاتي معاك

ليت لي كل القلوب واعشقك فيها واذوب
من يحبك مايتوب يا معذبني بهواك

ياللي امري بين ايديك خفت من نفسي عليك
بكل مافيني ابيك وزاد في عيني غلاك

<> <> <>

<><>الشـــوق والدمــــــعه<><>

طريقي اعبره بلشوق والدمعه وليت اللي جمعنا ما يفرقنا
لسولف عن ضمي روحي ايا روحي واقول اشواقي مدثوره بلامعنا

قبل ما افتح بعيني واشوف عينك معاك انت يهل الشوق وكل معنا
اشتعل من زود مابي من الم واطفي وارجع اعيد الأشتعال

الشجر يحجي والماي السجي قصتي منك مثل اي احتمال
ماحلمت انك تداويني بكسر عوق كسري مايداويه الوصال

هذي ارضك وانا نجماتك سماء لومشيت بليل اضويلك نهار
اشتعل مليون مره وانطفي واحترق مرات في ذاك السؤال

ياصديق الروح تسمع ونتي وتصدد عني ماتعرف اللي صار
جذبتك في عيني امسحها كحل والعذر منك اقول لعبة يهال

واشتعل لو بلخيال انك تمر وماتحاجيني وانا اقولك تعال

<> <> <>

<><>غـــــــــلاتــــــي<><>

بعد ناوي جرح ثاني مابقي بقلبي مكان تجرحه
أنت لومثلي تعاني كان ظلّك لوتطوله تذبحه

ودي اشكي وخايف ابكي لوتكتمت وشكيت
كل كلمه فيها ببكي وانت عني مادريت كافي ارجعلي وغلاتي

وانت يمي وبين ايديني انسي وادور عليك
حتي نفسي ماتبيني يابني آدم تبيك

كافي موضاعت حياتي بعدك انت ياحياتي
اخاف اموت ولااشوفك تكفي ارجعلي وغلاتي

لوتشوف الهم فيني حالتي تصعب عليك
انت وينك يااخي وينك باخر الدنيا اجيك

آه لو يصدق زماني مابي اكثر من ثواني
والله اترجي ظروفك تكفي ارجعلي وغلاتي

<> <> <>

<><>أنــــت الأهـــــــــم<><>

انت المهم انت الأهم انت الحقيقه والوهم
حبك قضيه دنيتي وانت بعذابي متّهم

انت سبايب لوعتي ومصدر عذابي وحيرتي
جيتك اقدم شكوتي مكتوبه بحروف الألم

ليل الصبر يشهد معاي وكل نجمه سهرانه بسماي
من حقي ادافع عن هواي واطرح قضيتي في ندم

بشهد العالم عليك وابشتكي منك اليك
وهذي قضيتي بين ايديك وانت الخصم وانت الحكم

<> <> <>

<><>صمـــــــت الــــــــوداع<><>

لوسمحتي اسمعيني زين وافهمي معني الكلام
من رحلتي راح نورالعين ودنيتي بعدك ظلام

حبي لك فوق ماتتصورين
ارحميني وارحمي قلبي الحزين

مركبي من غيرك انتي في الهوي ماله شراع
ضاع في صمت الوداع

اعترف لك انتي اول حب
وانتي اخر حب عشته في حياتي
اعترف لك انتي نبض القلب

وانتي نور الدرب واغلي من حياتي
رغم بعدك عن عيوني فيك ماخابت ظنوني

لاتقولين الظروف كانت اقوي مننا
إحنا اكبر من الظروف

ابعدي عنك الكسوف واذكري الي بيننا
صارحي من غيرخوف

لا تخلي شيء بقلبك تعرفين شكثر احبك
وحدي دربي ودربك خلي العالم تشوف
حبي لك فوق ما تتصورين

<> <> <>

<><>عبــــــــرة الأيـــــــــام<><>

من الماضي تعلم وخذ عبره من الأيام
وابدأ رحلة الحاضر بروح الحب والأحلام

مش لايق عليك الهم
عساها تنفع الذكري معاك قبل الندم

حبيبي للحياة اضحك ولاتبكي علي اللي راح
في البسمه امل باكر بتحقيق علي الأمل ترتاح

ويجري في العروق الدم
عساها تنفع الذكري معك قبل الندم

تعال ارمي علي همك ولاتبعد عن الأنظار
بكلمه اجبر الخاطر عليك القلب والع نار

وروحي منك تتألم
عساها تنفع الذكري معاك قبل الندم

احيي الحب في دمك عدوك فيك بيحتار
واللي صار ياشاطر ماهو اخر المشوار

تركت الناس تتكلم
عساها تنفع الذذكري معك قبل الندم

<> <> <>

<><>انتـــــــــــهينا<><>

لحظه لحظه
من عطاك الحق تنساني وتروح

تنهي احلامي معاك وكل عمري واللي عشته من سنين
وحده وحده حتي استوعب كلامك والجروح

انت فاهم شنهو يعني انتهينا بكلمتين
بكل سهوله انتهينا كلمه قالتها وراحت

وانا ماني قادر افهم شنهو يعني انتهينا
يعني ماعدنا حبايب وانتهي كل شي فينا

المحبه والأماني والسنين الي قضيناها شنهو يعني انتهينا
جان قلتيلي بلأول تري هلرحله قصيره

مهما طال الحب فينا اعتبرنا مابتدينا
اه لوقلتيلي بلأول قبل لا تغرق تعلم

المحبه بحر لكن بحرها من دون مينا شنهو يعني انتهينا
اشلون ما مرت في بالي لحظه الفرقا حبيبي

وانت انته مثل غيرك والقدر ماهو بيدينا
ليت يا اجمل واغلي من عرفته في حياتي

ماعرفنا هلمحبه ولا اصلا التقينا

<> <> <>

<><>يـــضـــــايــــقني<><>

يضايقني الحكـي عنك...وتشعل سيرتك ناري
وأحس بضيقه في صدري...أذا لك مرأي طاري

كرهـتك أنت وأيامك...ولا باقـي بعيـنـي دمــوع
لـو دار الحـكــي عـنــك...أحـب أغـيـر المـوضوع

خلاص انسي حكايتنا وماضي الحب ياقاسي
دموع الكذب ماتنفع شلتك والله من راسي

ولا تسأل بعد عني ولا تفكر ولو تفكر
مدام انك بعيد انت تأكدي اني بكون بخير

يااكبر غلطه في عمري يا اول حب بكاني
يا اقسي قلب في الدنيا حاول بس تنساني

<> <> <>

<><>ميـــــــــــت إحســــــــاس<><>

ميت احساس مافيك دفا الحب ولا فيك همس المشاعر
وش تبي الناس غير طيبة القلب وكلمه تجبر الخاطر

مسافه بيني وبينك اهي دمعه واهي جرحي وسنيني
انا اقراك من عينك وانت اخر من يحس فيني

لا تحسب سكوتي سكوت هذي هدوء العاصفه
سنين وانا احيا واموت واعيش فراغ العاطفه

وانا بشر قلب وروح واحتاجك في كل لحظه
ودام العمر مره ويروح بحياة الهم ليش ارضي

مسافه بيني وبينك اهي دمعه واهي جرحي وسنيني
انا اقراك من عينك وانت اخر من يحس فيني

ميت احساس

<> <> <>

<><>رايــــــــــــح<><>

رايح وراح اترك الدنيا وراي
لا الأرض هذي ارضي ولا السما هذي سماي

حبيبي امانه ياحبيبي امانه لا تنادي عود
انا مع الحزن موعود اصلاً انا مفقود

بين الليالي السود وحيد مثل الناي
واغني الحان الحزن واقول

لا الأرض هذي ارضي ولا السما هذي سماي
رايح وراح اترك الدنيا وراي

حبيبي قبل اسافر وابتعد وافقد عيونك ودي بس اقول
كلمه وحده بعدها ارحل بدونك

حبيبي انت كيف تخون من همه يصونك
يعني ترضي لو انا اخونك؟!؟

حبيبي لا اتعذر مابقي للعذر قيمه
مابقي لي غير كلمه الله يسامح طعونك

سكة الغربه طويله وانا في اول خطاي
مابقي من اشتكي له آه ياما اطول شقاي

رايح ودمعي وسيله والحزن هو منتهاي
الأمل يعلن رحيله وارتك الدنيا وراي

رايح وراح اترك الدنيا وراي
لا الأرض هذي ارضي ولا السما هذي سماي

<> <> <>

<><>تغـــــــالط النــــــــاس<><>

مدام للحب في قلبك ياخل اسرار مكنونه دعهم ودع ما يقولونه
تغالط الناس تنكر حب واضح وضحه دمعك لهم توضيع
مالك وللناس لأنته صدق ناصح وخل كل من با يصيح يصيح
واصبر علي اللكع والتجريح وعلي المذلات منهم والمهونه

دعهم ودع ما يقولونه

من زل ولا غلط قله مسامح واسمح عواجهم تسميح
شالناس افلام والدنيا مسارح كم سرحوا من قصص تسريح
مايتركون المليح مليح والحلو بالقار لازم يخلطونه

دعهم ودع مايقولونه

يا وردي اللون ياعطر الروايح يا نزهة القلب ترويح
لا شفتك تغيرت مني الملامح وبقيت المح كذا تلميح
في عشقك خايف اطيح لا طحت شي باتقع منك معونه

دعهم ودع مايقولونه

ان كان مانيتك بلحب سارح انا اقبل الصدق والتسريح
ولا تخلي محبك جاي رايح يهوي معك في مهاوي الريح
يكفي من الرمز والتلويح العيش والملح لازم نصونه

دعهم ودع مايقولونه

<> <> <>

<><>الأســـــــــــامي<><>


ليتنا دايم نشوفك ليت كل مره تجينا
ياحبيبي لاتقاطع هاالله هالله عاد فينا

لا تخلينا بدونك ننحرم شوفة عيونك
جيت وعدي الوقت بدري مر و عنه مادرينا

بنذكرك بلخير دايم بنذكرك لو كنت تنسي
مالنا بغيرك سوالف مثل ماتدري وعارف

بسمك اتضيع الأسامي يا بحر شط ومرسي
ابنفقدك والله بغيابك بنفقدك بأول وتاني

بس بتبقي ذكرياتك ما تمحيها الليالي
ذكري صوتك في لقانا وذحكتك هللي معانا

مانبي نوصيك يالله يابعد غالي وغالي

<> <> <>

<><>أيـــــــــــام<><>

آه يا ليلي...................

ايام... وايام... وايام...
يوم شوق ويوم غيره
يوم ليل ونار و حيره
ويوم بهنا ويوم بعنا

ويوم بغياب وعذاب وسراب وايام ترووح
روح ابعدروح...روح ياحبيبي حبك باقي

اجرح مسمووح...روح روح مسموح
بنسي جروحي وتبقي اشواقي

وزيد بعدك زيده يابو خطوه بعيده
قلبي شاري وروحي عنيده...

طول ماانت ياحبيبي ساكن في الروح
حبيبي اشوفك في ليلي اشوفك

في صمتي اشوفك نجوم وكلام
واعيشك اماني حروف ومعاني

دروب ومواني ورحلة غرام...

وزيد بعدك زيده يابو خطوه بعيده
قلبي شاري وروحي عنيده

<> <> <>

منقووووووووووووووووول

الف مليون الشكر لك اخي مجروح

والله صدق حلوه


تمنياتي لك بالتوفيق

يسلموووووو اخوي اوبادن اون لاين


على المرور الكريم


بااااااااااااااااااايوووووووووو