مدام العشـق ذنبـي والذنـوب تجرنـي لذنـوب "" أجل إسمع .. ترى ماباقي(ن) بي عرق(ن) تهمـه

من أول صوب(ن)لخاطر فؤادك لين آخر صـوب "" أبكسر خاطر(ن) مغرور و اخسر ضحكـه بفمـه

(أتوب الحب لا مااتوب اتوب الحب لا مااتـوب ) "" هـذاك أول يرددهـا فـؤادي ويخـذلـه دمــه

تعال الحين واسمع كيف يوفيها صدق (عرقـوب) "" (اتوب الحب اتوب الحب واكسب عـزي وهمـه)

خسرتك ما خسرت الا حبيب(ن) صار بي عذروب "" كسبتـك ماكسبـت الا فـرح تخطيـه و تخمـه

وقبلك كنت احسب ان القلوب البيض يعني قلـوب "" وبعـدك ماعرفـت الا ان قلبـي يعنـي مطمـه

كلامك صح انا كل الضلوع اللي بصـدري دروب "" توصلني علـى بيتـك بوسـط القلـب وتضمـه

كلامك صح لو شمسي شروق تصير لي غـروب "" اذا طيفك تغيب عـن ضيـا عيـن وسنـا نجمـه

كلامك صح انا عايش وباقي بي رمـق يـادوب "" يكفينـي اذا عمـري تنـاثـر أرجــع آلـمـه

كلامك صـح عنوانـي يبيـن داخلـي المكتـوب "" وانـا ماقـد حسبـت ان الملامـح مالهـا ذمـه

كلامك صح كلـه صـح لكـن ياغـلا مسلـوب "" نسيت اني انا وحدي و اذا ضاقـت اجـي (أمـه)

و كان اللي تخيرته لبس مـن مجـد جـده ثـوب "" فـانا اللي المجد خيط مـن فعولـي ثيـاب للقمـه

حبيبي أو حبيب اللي تقـول انـه غـدا محبـوب "" تراني هـم ذا القمـه وهـو القمـه إهـي همـه

عرفت الحين ياللي تحسبن الكـل لـك محسـوب "" عرفت الحين (كلمة رجل) تفرق عن (رجل كلمـه)

كلامي صح لاتجاوب مدامه لك صفـة رعبـوب "" أنا تشهد لـي رجـال(ن) بقـت للمجـد والهمـه

أنا لو خانني قلبـي تصـور حتـى لـو منهـوب "" أحذفه في جحيـم الصبـر أقـوم أشتمـه واذمـه

و كانك جيت بعد غياب لضلوع (ن) تقول دروب "" توصل رجلـك لقلـب(ن) عليـه احـلام ملتمـه

بتسألني على بيتـك بقـول تشـوف ذا المشبـوب "" هذاك اللي سكنته يوم كـان( القلـب) هـو إسمـه

أبرحل قد ماتقـدر وبرجـع لـك قبـل لاتـذوب "" واراهن كـل هـذا يصيـر قبـل يقـول يايمـه