نطقت اسمك وذوبني .. وحبيتك أنـا بسكـات ""أحس اسمـك ينادينـي .. وقلبـك فاتـحٍ بابـه

أحس انا تلاقينا .. عقب مـا طالـت الغيبـات ""أحس اني معـك دليـت دربٍ ضعـت بترابـه

يمين الله إذا شفتك .. أفارق ماضـي الآهـات "" أعانق حاضرٍ ساحر .. قريت السحـر بكتابـه

أنا ادري فيك جذابة ويذبحني صدى الضحكـات "" وانا ادري فيك ما تدريـن انـك حيـل جذابـه

انا ادري فيك دلوعة .. تذوب بشفتـك كلمـات "" دلع مخلوق لك انتي .. وبنات النـاس تتشابـه

انا ادري فيك حساسة .. تحرق خدك النسمـات "" ولو يجرح يديك الورد أنا اشهد ما نتـي كذابـة

قمرنا ما وصل زينك .. ولو حاول ترى هيهات "" ولو جرب يجي جنبك تقول النـاس وش جابـه

ألا يا مالكٍ روحي .. وساكن بالحشـا والـذات "" تدلل .. لو تبي روحي تجيك ان كنـت طلابـه

تراني فدوة عيونك .. وحلمي أمنـع الدمعـات "" أجل وش فايـدة حبـي اذا الدمعـات صبابـه

أنا ماني مثل غيري مع اللي يحبني .. بالـذات "" أصير اقرب لها منها .. وأرد الدين لأصحابـه

أدللها وأدلعهـا .. وأعليهـا علـى النجـمـات "" وأخلي القلب لو أخطت يبـوح بقاسـي عتابـه

أنا ماني مثل غيري .. غيري يعشق العثـرات "" منى روحه وكل همه .. يناظر غلطـة أحبابـه

أنا ماني مثل غيري .. غيري يكثر الخطـوات "" وكـل بنـت ٍ تهيالـه بـلا تفكيـر .. حيابـه

أنا ماني مثل غيري .. غيري وافـر الكذبـات "" وبنت الناس مسكينة .. تقول : النـاس كذابـه

أنا ماني مثل غيري .. غيري لو بكى شحـات "" يحاول يكسر الخاطر .. يقول : الروح منصابه

أنا ماني مثل غيري .. غيري مسألـة أوقـات "" ياخـذ مايبـي ثم(ن)يقـول : شفيـك نصابـه

أنا ماني مثل غيري .. غيري بالهوى ما مـات "" يشوف ان الهوى لعبة .. ويمكن أحسـن ألعابـه

أنا ماني مثل غيري يقول : ان البنـي خبـلات "" يقول : البنت مهما تكون تراهـا بنـت لعابـه

أنا ماني مثل غيري هويتـك يالغـلا بسكـات "" ومحد(ن) يدري بحبي .. ومحد(ن) يعرف اسبابه

أنا عارف طموح البنت تبي منهو يلـم شتـات "" تبي منهـو يخليهـا .. تكـون لعينـه اهدابـه

وإنتي لو دريتي بي وفهمتي صـادق الكلمـات "" يمين الله تحبينـي .. وانتـي مانتـي مرتابـه