لو تعرف الخطايا كيف كنت محروم......................كان سود الليالي يوم طحت سمحت

ولو هموم المفارق مثل كل الهموم.....................ماتشوفون عيني بالدموع اسبحت

ولو تحن المشاكل عقب حب الخشوم.................كان حبيت خشم المشكله واستحت

بين صدت عزيز وكبرياء مهزوم ....................عين شحت علي وعين استسمحت

بس مالله خلقني من بكاي معصوم...................وادري ان المحاجر لو تفيض افضحت

والله اني على جرحي صبوروكتوم..................لاكن ان الدموع ان روحت روحت

اعذلتني ضروفي وانهكتني عزوم...................والوجيه احزنتني والقلوب افرحت

والله ان الليالي ماتعرف السلوم....................قلب جافي لقاه ووجه صافي بحت

راهنتني تبلل بالدموع الكموم.......................ويشهد الله عليها راهنت واربحت

احرمت نور عيني من غلا ريم دوم................بذرتن وارتوتني واثمرت واطرحت

جادلن دوم ماهي مثلها كل يوم...................استضاحت غموض وبالغموض اوضحت

دورت بين قلبي والهدب درب نوم.................وامرحت وين مدري المهم امرحت

تنحت اسمي بقلب جيت فيه معزوم..................واسمها بين جلدي والعظام انحت

مثل جفني لعيني بالنعاس محكوم......................كل مانمت نامت وكل ماصحى صحت

ماتعارض كلامي غير عند اللزوم..................بس لقمت اسولف واندمجت اسرحت

دايم ازعل عليها بس قلبي رحوم.....................وهي تموت بعذابي من تحت لي تحت

مثل وجه الصداقه في ثياب الخصوم..............ان تطيبت طابت وان جرحت اجرحت

خصها الله بوصف من خيال معدوم...............لا أذان اسمعت به ولا عيون المحت

كن ربي خلقها من بياض الغيوم .................ومن كفوف السحابه بالورود القحت

عن سواها فرقها بالقمر والنجوم ..............وكل عذراى تباها بالجمال انزحت

بالحلى هي كوم وباقي الناس كوم..............كفه عادلوها بالبشر وارجحت

حسبي الله على الي مابغاها تدوم...............من بعد كيف كانت شوف كيف اصبحت

لا تحقق وصال ولا فراق محتوم.................خطه قربتني للفشل وانجحت

لعنت العشق تبقى مثل ضرب السهوم...........لومح الوقت جرحه طعنته ممحت

كيف ابنسا وانا الي من جفاف السموم............ماحشمت العيون ولا الدموع افلحت

كانها بالحميا كل ربعي يدرون.......................لو يلدون لصعاب الضروف اصلحت

اجزم ان كنت ياقلبي شجاع وجزوم.......................لد لعيون بنتن للتفت الفحت

ماتهين البخيل الا يدين الخدو.......................دام كف الخطايا بالجفا لوحت

نطح الباس باس ونطح اللوم لوم................وان تهدت تهد وان صيح صيحت

ياتعيش بمعزه ياتموت محشوم...................ودك ان الليالي لا فعلت امدحت

عمر ضعف الإراده مايسر الرخوم..............ضربت السيف لو بيد الشجاع اذبحت

اخوي سهم الحب انت اجمل حبيبي واشكرك على مرروورك الكريم وهذا الشي يسعدني واتمنا لك التوفيق

اخوى المجروح الله يعطيك العافيه


سلمت يداك وسلمت اناملك وسلما قلمك


اخوى الى الامام دائما


تحياتي

مجروح الكون تسلم لي ياغالي