أنا يابحر ماجيتك فضى ولمشاهدك شفقان!!..
أنا جيتك أبنسى الياس وبعض الهم يباريني..
على جالك أنا جالس أسامر موجك الغضبان!!..
أسولف لك عن أوجاعي وعناي وغربة سنيني..
علامك يابحر غاضب علامك تصرخ بكتمان!!..
أنا جيتك أبشكيلك وأبي منك تواسيني..
أنا مثلك بحر لكن وسط نفسي انا غرقان!!..
تعبت أبحر مع نفسي وأسألها أنا ويني..
أنا محتار في وصفي ومع نفسي أنا حيران!!..
أنا لاقادر أفهمه وهو يجهل مضاميني..
أنا مليت من حزني وتعبت أبحث عن السلوان!!..
ولا ضنيت به شي عن احزاني يسليني..

أحس أن الحزن عالم!!..
تخيل يابحر حجمه أذا حجمه سكن فيني..
تصور لو شقى الدنيا تجمع في كيان انسان!!..
تصدق مابقى بالكون أسى مابات في عيني..
ترى كل الحزن لو غاب وراح لاخر الاوطان!!..
يغيب ويرتحل لحظات ويرجع يستقر فيني..
انا آخر فصول الحزن وأنا لدروبه العنوان!!..

*أنا والليل والغربه تعانقنا مثل اخوان*
ليلي كل آهاتي وللغربه عناويني..
تعبت أسقي ثرى أحلامي وأزرع بالوهم بستان!!..
تعبت ولا نبت زرعي وتعبت وجفت سنيني..
جحدني حظي العاثر رماني بسكة الحرمان!!..
جحدني ولا مره على الفرحه يرسيني..
ألا يابحر جاوبني وش آخر الأحزان!!..

وش آخر رحلة أوجاعي وعناي وغربة سنيني؟؟

شـكــ وبارك الله فيك ـــرا لك ... لك مني أجمل تحية .

يعطيك العافيه ننتظر جديدك اخوي

منورين بمروركم