بسم الله الرحمن الرحيم
السلام عليكم

هلا خواتي الغاليات
اليوم يبت لكم طريقة عمل المرقوقه لكن بطريقتي وإن شاء الله تعجبكم
أول شي هذي تكفي من 8 أشخاص إلى 10 تقريبا



المقادير

3 بصل متوسطة
3 طماطم متوسط
8طماطم متوسط+8 فصوص ثوم نخلطهم بالخلاط مع بعض
كيس صغير خضروات متنوعة
4 علب صغيره صلصلة
شوية بقدونس أو كزبرة ( على حسب رغبتكم)
3 بطاطا متوسطة
ا باذنجان
ملح على حسب آضيف آخر شي اتذوق أفضل آخر شي ينحط
بهارات متنوعة (فلفل اسود+كمون) تقريبا ربع ملعقة على حسب ذوقكم
1 لومي يابس
طبعا الكل نقطعة متوسط أو صغير على حسب رغبتكم
ا دجاج حجم كبير
2 لتر ماي دافي تقدرون تحطون غرش الماي تقيسون عليها







الحين نبدا نحمس البصل مع الدجاج لين شوي يتحمر يعني 10 دقايق نقلبه بين فترة وفترة




بعدين نحط الطماطم الي خلطناه بالخلاط



وبعدها نحط الخضروات الي بالكيس+ الباذنجان + 2 لتر ماي +4 الصلصة + البهارات + الومي يابس تدقينه شوي وتحطيه مع الصالونه .. لمدة نص ساعة تقريبا وبعدين نضيف البطاطا عليهم ونخليه لين شوي يستوي البطاطا مب وايد يتلين يعني تحسين انه شوي بدى من داخل شوي


بعدها نجهز 4 قطع خبز لبناني كبير


ونقطع الخبز قطع صغيرة


ثم نحط الخبز داخل القدر مع الصالونه


ونخلطه ونسكر عليه ونخليه 10 دقايق شوي لين يتشرب على الأقل وبعدها نسكر عليه


ثم نضيف البقدونس أو الكزبرة


ثم عليكم بالعااااااافية

منقول

يسلمـــــــــــــــــــــــوو..

وعليـــكـ وعلينــــــــــــــا بـالعـــــــــــافيـــه...

غير مرقوق اميمتي ما يطب اثمي


مشكوره


مع اني اشك بانه مرقوق

اسمحيلي مو مرقوق ذا

ههههههههههههههههههههههه
نعمة هذا اولا والشي الثاني





تخيلي ايدام ومغمس فيه خبز عادي