السلام عليكم ورحمة الله وبركاته

اشلونكم شباب لاحد يستغرب انا عمري ما سافرت البحرين

ودي احد يعلمني عليها لاني راح اخذ قرار وراح اسافر

بعد سبوع بسياره ( وحداني :( ) قالولي احسن من الطياره ...
على سبيل المثال

انا احب التسوق وشنو الي تنصحوني في

وين اروح بلضبط وشنو الاماكن الي تنصحوني فيها

وراح اكون شاكرلكم على ردكم لي

وتقبلو تحياتي
اخوكم : القناص

السلام عليكم أخوي القناص
أني طبعاً زرت البحرين والله حلوة
أنصحك تروح المتحف إلي هناك وايد حلو مرة
بتحس بشعور غريب لما تشوفه وموفق يارب.

القناص..

ياهلا ومرحبا فيك يالغلا..

تنور البحرين والله..

والله احنا بالبحرين عندنا كثير من المجمعااات

وترتكز اكثر شي بمنطقة اسمها ( المنامة )

بقولك اسامي مجمعات..

مجمع السيف..مجمع العالي..مجمع الدانة..وفيه عندنا مجمع البحرين الا هو ( جيان)

وفي عندنا بعد منطقه اسمها سند فيها مجمع اسمه العلوي

وكل هالمجمعات تلاقي فيه اللي بيعجبك ان شاء الله

وعندنا بعد مجمعات كثييره..بس هاذي الاهم يعني تلاقي فيها الماركات اللي يحبها الاغلبيه

وعندك بعد ارض المرح..فيها البولينغ يصير في المنامة لما تجي تقدر تسال لو حبيت تروح

واهلنا مايقصرون معاك :)

واذا ناوي تشوف البحر او تحب انك تروح .. عندك في منطقة عراد ع الجسر الجديد

الصراحة منظررررر مرررررة حلو

واتمنى لك وقت ممتع ان شاء الله

واذا في اي سؤال ثاني انا حاضرة..

تـحـيـاتـي..