[moveo=right]ودعت....


هذه الأبيات ارائعة مهداة إلى شخص إفتقدته كيثراً وهي من كلمات الشاعر عماد الشريف..

ودعت من لايطيق القلب توديعه
ودعت شخصٍ عزيز وصاحبٍ غالي

قلبي عصاني على فرقاه ويطيعه
ودمعي تحدر على الخدين همّالي

ياشين طعم الموادع صعب تجريعه
مرٍ يذوقك طعم المّر بالحالِ

حاول نهار السفر يخفي مواجيعه
ويبين إنه سعيد وخاطره سالي

لكن بيّن عذابه في مداميعه
ما تبكي العين لو هو قلبها خالي

والله احبه.. كثر هجره وتوليعه
حتى جفاه وعذابه كان يحلالي

أنا .. مزاجي عنيد وصعب تطويعه
لكن قلبي معاه إنحاز طوالي

صرت انتظر جيته حزّة مطاليعه
وتمر الأيام وأنا جالسٍ لحالي

حاولت اقنّع خفوقٍ صعب تقنيعه
ويقول ما غير حبه بس يطرالي

كتمت سر الغرام.. وعيني تذيعه
وأجامل الناس ..وانا منشغل بالي

ذي صورته فوقها خطّه وتوقيعه
وهذي هداياه.. فيها حلمي وآمالي

ما فات يصعب على المخلوق ترجيعه
لو كان قدره عزيز ومنزله عالي






*************************************




*********************************[/moveo]

يسلمو اخي ويعطيك الف عا فيه ؟؟؟

الف الف الف شكررررررررر


اخوي على مرورك على الموضوع والتعليق



ودمت لنا بخير