هلا بكم منوروين ..هلا والله بالطله

السالفه هي صارت لي امس ..بس رجاء الناس اللي عيونهم حاره يذكرون الله علي

لا يصكوني عين تراني والله ماستاهل ..

امس طفشااان واصل حدي .ولا ادري وش اسوي وش تسوي يامجروح الكون..قلت تدري ياولد مالك الا المطار وعلى

اقرب رحله ..تاخذ لك كم يوم تغير جو ووجيه بعد ..

المهم واخذ اغراضي وعلى وين ؟ صح عليكم نور على المطااار .

وأجيهم قلت شف لي أقرب طياره لو سمحت قال فيه رحله بعد ساعتين لنيويورك ..قلت تمام احجز لي يمدحون

الجوا في بريطانيا

<<< استح على وجهك نيويورك في بريطانيا ..

المهم واخذ التذكره وادخل الصالات واتمشى لي شوي ..طن طن طن على الساده الركاب المسافرين على الخطوط

السعوديه على الرحله رقم 666 حتى رقمها مميز والمتجهه الى نيويورك التوجهه للبوابه رقم 5

المهم ركبنا ..والقا ذاك المضيف والله ويعرفني هلا انت مجروح الكون..

<<< الله يقطع ابليسك استح استح

المهم ويوديني على الدرجه الاولي والله واتغمط على ذاك المقعد اللي كنه سرير ..

واروح في نومه شخير ..على كيف كيفكم ..حتى ان الطيار مابغى يطير يحسب من صوت شخيري

شكمان الطياره منشق ..لين قال واحد من المضيفين هذا الفتى قاعد يعزف سمفونية موزارت

من وين جت موزارت هذي

المهم وانا نايم و الا الصياح والعالم ترووح وتجي ..والطيار قاعد يبكي ..والمساعد يصيح

والمضيفات يشققون ملا بسهم ..والركاب هذا طايح ..وهذا يصيح ..وهذا مغمى عليه ..

واقوم واتمغط ذيك التمغطه اللي على كيفكم..واقوم واسأل الطيار وش الله لا يبلانا تبكي يالخواف

وش العلم ..قال تكفى يامجروح الكون..اليوم يومك انا اسمع علومك واليوم الله جابك لاتخلينا ويقعد يحب خشمي

وراسي ...

قلت طيب طيب وش السالفه ..قال الطياره خربت ماهي راضيه ترتفع ولا تنزل ولاتلف يمين ولا يسااار

ولا ندري وش فيها الظاهر بنموت ..قلت اصبر انا فيني نوم شوي باخذ لي غطه وبعدها يحلها الحلال ...

<<< ياهووه يالثقه ..

قال تكفى قلت طيب خلاص رح سو لي قهوه فرنسيه بالمايونيز ..وجبها لي عشان اعدل راسي

<<< تراه يسمع بالمايونيز ولا يعرفه..

ويجيب لي القهوم واخذ لي رشفه طويله شوي لها صوت رنان عشان المزاج يعني

قلت اقعد هنا جعلك الثول لين ازبطها ...واقعد على كرسي الطياره ..قلت اقول وين المسجل حقها خلنا نسمع لنا

شريط ..والا المسجل خربان ..

المهم ماطولها عليكم ..الا تليفون الطياره يدق ..الامكتوب برج المراقبه ..

وانا اللي ارد عليه نعم ..قال من انت؟ قلت معك مجروح الكون..قال هلا مجروح الكون وشلونك وشلون الوالد

وينك من زمان ماشفناك قلت اخلص من انت لاتطولها تراني مشغول ..

قال معك رئيس المطار (( ابو خالد )) ..قلت هلا لالالالالالالا يالله حي ابو خالد وشلونك الله يحييك ..من يوم جبت فيك كبري ..ماشفتك

<<< لالالالالالا عاااد هذي والله ثقيله مااحد راح يهضمها استح استح .

المهم قال لي تكفى يامجروح الكون...لا تخلي الطياره .. ترى كل اللي فيها في ذمتك تكفى يامجروح الكون ترى

ثقتنا بك كبيره ..تكفى ..قلت ابشر ولا يهمك ..

قلت تطمن ولا يهمكم يابرج المراقبه .

المهم وادور وش الخراب ياربي وش الخراب ياررربي ..

واجي ادور الفيوز خابرها تحت الطبلون ..

<<<< الله يرج ابليسك سياره هي تحت الطبلون ..

المهم واشوف الفيوزات كلها مظبوطه .....قلت يمكن من القير والا شي والله واعطيها نمره والا القير يغير

مظبوط ولا فيه شي ..

وافتح الدريشه ..واطالع في المرايه ..الا اشوف علبة بيبسي جايه بين الجنيحات حقت الطياره ..

ولا يتحركون ..

والله وانا اللي ارجع ..والقى الطيار مغمى عليه ..واقوووم واخذ كل الغتر والشمغ حقت الركااااب ..

واربطهم مع بعض ..واطلعهم مع الدريشه حق الطياره الا والله ناقصين شوي بس

والله واخذ كرفتة الطيار ..واربطها معاهم والا يوم وصلوا ...واربطهم بالدركسون حق الطياره

واخفف سرعة الطياره لين ماخليتها تمشي ..60كم /بالساعه.. واربط نفسي فيهم واطلع من الطياره ..لين قربت

من الجناح ..والله بغيت اروح فيها شفطني المحرك ..من قوته شفط سروالي ..ويطير ويدخل

بالمحرك ..المهم ..اني فكيت علبة البيبسي ..وارجع للكبينه ...واقوم انزلها وتنزل وارفعها وترتفع ..يوم انها

ضبطت ..الظاهر ان الطيار حاذف علبة البيبيسي مع الدريشه واحنا طايرين ..ونشبت بالجناح ..

المهم وارجع للتليفون حق الطياره ..وإلا رقم ابو خالد مو جود في الكاشف واتصل عليه قلت ابشرك تراني زبطت الطياره ..

بس والله ماادري ويين انا ..والله واناظر مع الدريشه الا اجبال ثلج ..وكل الدنيا بيضا من الثلج ..

قلت الظاهر اننا في سيبيريا ..في القطب المتجمد ..واطلع الا والله الطياره تنتع من البرد...بغت تطفي والله .

قال ماقصرت يامجروح الكون وهذا العشم فيك ...قلت انا راجع للسعوديه ..قال على كيفك ..

والله واسحب جلنط ..وحركة السلسله ..وعقديتين معها ..واعود مع دربي ..

قلت يامجروح الكون وش تسوي وشلون تدل الطريق ..المهم واطالع في شاشات الطياره الا والله هذي صورة الكعبه شرفها

الله ..والله واحط السهم عليها واضغظ عليه ..اعرف له عندي ماجلان ..استخدمه لاطلعنا للبر والا لمقناص ..

والله ذاك الجرس طن طن طن ..لا مكتوب الوقود مايكفي ..لا حووول والله المصيبه ..

المهم الوقود مايكفي ..يعني بنموووت ..لازم حل ...

وانزل تحت واجي عند الاهواز حقت الوقود اللي تروووح للمحرك ....واخذ ذاك الحبل ..

واربطهم من النص حتى ضاقوا من الوسط وصار الوقود اللي يروح للمحرك يمشي شوي شوي ..

<<< يالله افكار رهيييبه بس وين اللي يقدر

وارجع لكبينة القياده ..ويسكت الجرس ..المهم شوي ..والا طيارت حربيه جنبي يمين ويسااار

وقف على جنب ياراعي الطياره ..والا ترى بنرميييك بصاروووخ ..

المهم وشي شوي الا ذيك الغيمه ..كبيره سوووووووداااااء ..واهدئ السرعه ..واجي فوقهااا

وأوقف ...وينزلون على جناج الطياره واطلع لهم من الدريشه ..الا والله امريكان ..

وش عندك جاي من هنا ..ماتدري انه ممنوع تجي منها ..قلت والله يالربع الوقود مايكفي

وقلت اطلع قاطع الطريق .اسرع ..

قالو عطنا اثباتك ..

<< متأثر بالتفاتيش اللي هنا...

المهم واعطيهم الرخصه ..ويسلمون علي قالوا انت اللي صلحت الطياره ..مشاء الله عليك

الظاهر انهم سامعين المكالمه..

<<< اييييييه هيين رقعها..

المهم ..وشغل الطياره الا والله ماتشتغل ..قلت لحظه يالربع ..حاولوا تدفوني لين انتعها ..والله ويدفون وانتعها

وتشتغل ..واجيك حاط رجلي

ولا اخذت الا اللي يكلمني ..واطنشه قلت ماني فاضي ..بعد يمكن احد يعزمني والا شي ..

الا يقول يامجروح الكون عمى يعميك وين رايح انت فوق العراق ..وممنوع الطيران ..لايرمونك ..بصاروخ ..قلت انت

من انت لو سمحت قال اناسكرتير برج المراقبه اللي بالرياض ..

قلت اقووول ..مالك شغل خلك قاعد في البرج واتركني اي والله جاي تعلمني ..ضف وجهك بس ..

واسكر الراديوا حق الاتصال ..واشغل الراديو على F M وهات يااغاني واخر وناااسه ..وفاتح دريشة الطياره

ومتلطم بشماغي ..ومطلع يدي للهواء ..كذا يسوون الشباب عندنا

والله واطالع بالمرايه الا ذاك الصاروخ اللي جايك يمشي مليون ....قلت وليييييييييييه

لاحووول وش السواه مع هذا ..المهم يوم قرب بيضرب الطياره .. واسب جلنط وحركة السلسله


الا انا وراه ..واقوم اطرده وينحاااش مني .. واطالع الا هو رايح للكوووويت قلت لاحول وش ذا النشبه..اللحين

بنسوي كارثه ...وين اقلع ذا الصاروخ ..واطالع يمين الا اشوووف البحر قلت بحذفه هنااااك.


واحط رجلي ويالله اللحقه ..واحطه عند الجناح ..وبحركه هذي مايعرفها الا الراسخون بالتفحيط بالطيارات

والفه إلاهو متوجه للبحر ..والحقه ...واجي فوق .. واصدمه لين حول بالبحر ..

<<<< والله ماسواها حتى جمس بوند

وشوي الا طن طن طن الوقود لا يكفي شف اقرب محطه ..

هذا اللي يقوله الجهاز حق الطياره ..(والله ماحد يصدقها لو تموت )

الحل وشو يامجروح الكون مافيه الا اطفي الطياره شوي واخليها تطير وهي طافيه عشان ماتصرف ..عساه

يوصلنا .ونفعت الخطه

مابي اطولها عليكم ..

وصلنا لمطار الملك فهد بالرياض ونزلنا ..

<<< مطار الملك فهد بالدمام ياكذاااااب ..

والا الامير والكل يستقبلنا ..ويشكروووني ...

قلت لاشكر على واجب ..يابو خالد اهم شئ سلامة الركااااب ..

ويعطني ذاك الظرف ...

ماني معلمكم باللي فيه عشان ماتحسدوووووني


وسلامتكم هذا اللي حصل كان يوم مرعب ومخيف

<<<<<<< ايه هين نايم في البيت والظاهر قاعد يحلم

مجروح الكون يتحدى المصاعب

بصراحه تااااااااااااااااااااامه
وش ذا الطيار الرهيب
انت ماتعرف تسوق السياره عشان تسوق طائره مجروح
هههههههههههههههههههههههههههههههههههههه







المهم الحمدلله على سلامتك ووصولك لبلدك سالما غانما

الف الف شكررررررررر اخوي القلب الكبير



على المرور والتعليق على الموضوع


لكن كيف تقوووول ما اعرف اسوووووق


حرام عليك ما شفت الي سويته في الجو


وتقول ما اعرف اسوق وربي باااقي


ماشفت شي لكن اذا منت مصدق


اطلع معاي في الطياره واعلمك


كيف السوقه اذا ما اسحب فيك جلنطات


وعقد وحركت السلسه


وربي لا اطلع الشيب في رااااسك



ههههههههههههههههههههههههههه
هههههههههههههههههههههههههه
هههههههههههههههههههههههه


قال ما تعرف تسوق قال


والله انت الي ما تعرف تسوق طياره


الناس تطورت وانت بااااقي على سياره


خخخخخخخخخخخخخخخخخخخ
خخخخخخخخخخخخخخخخخ
خخخخخخخخخخخخخخخ


واعيد واكرر انت قول تم وانا اعلمك


القلب الكبير دمت لنا بالف خيررررر

ياسسسسسسسسسسسسسسسسسسسلام !!! الله يعطيك العافيه

تصدق سمعت هالقصة بس تو دريت انك انت.....بيض الله وجهك

يعطيكم العافيه اخوي نبع الغلا واختي اميرة القلوب


على المرور والتعليق



ودمتم لنا بالف خيررر