لالا تعتـذر
خلاص ياخلي محيـت الامـل فيـك ** مدام صـار البعـد عنـدك وسيلـه
ادري تبينـي بـس ماعـاد يمديـك ** كـل الـدروب الاربعـة مستحيلـه
لالا تعتـذر كافـي اعـذار ماابـيـك ** الهـم يكفـي عـن كثيـر وقليلـه
حاولت اشوفـك واتقـرب واداريـك ** وقلبي من الحرمـان ضيـع دليلـه
ياما رجيتك في هوى حـب مغليـك ** ياما رجيتـك بـس مافيـه حيلـه
اقفيت عنـي والغـلا بيـن اياديـك ** وخليـت قلبـي يكتـوي بالمليلـه
كنت الامل واصبحـت هـم بتعاليـك ** وهمي اللـي مالقـى مـن يزيلـه
عقب الغلا جفـت ليالـي رجاويـك ** ضاعت سنيني والامل وسـط ليلـه
ادوس قلبي كـان حـاول يراضيـك ** ماهوب انا من صد اركـض اجيلـه
زبدة كلامـي كـل مافـي ناسيـك ** ارحل مادام النفـس ماهـي ذليلـه
وان زارني في تالي الليـل طاريـك ** العالـم الله يـذكـرك بالجميـلـه
واليا انشدوني الناس وش حال مغليك ** اقول عايش بـس يجنـي حصيلـه
¨¨