الى كل بنت ودها تتزوج ((مابي اقول ناشبه بحلق اهلها ))



كيف تصطادين المعرس دون اللجوء الى الاساليب السقيمه
المغازل, الترقيم , التلميح اللي ماله سنع , الترزز بالاسواق , الللخخخخ

للاجابه على هذا السؤال اليكي مايلي:
اهم نقطه نشني عالعجوز اللي حاطه عينك على ولدها ثم نفذي مايلي :

1: خليك مع امك لا تروحين مع البنات اصبري عليهم لين تتم العمليه
2:امشي وانتي حاطه راسك بين كتوفك لا ترفعينه ابد حتى لو يصير كله صعارير
(خلي الفكس دايما في متناول اليد عشان يقولون مؤدبه مو متكبره )
3: كلمة خاله خليها دايما عاى لسانك خاصه لام المعرس عشان تحس بنوع من التميز خاصه بين العجزه لامانع تنادين عجوز ثانيه بخاله عشان اذا مانفعت الخطه مع العجوز بمبر ون تنفع مع الثانيه (ترا الاحتياط واجب)
4:اذا بدت امك تتكلم انغزيها بكوعك عشان تدخلك بالموضوع حتى لو مالك داعي تطبيقا للمثل ((كثر الدق يفك اللحام )) ادري المثل ماله داعي بس ما لقيت غيره
5:اخوانك الصغار لاحقيهم وطامري وراهم وين ما يروحون حتى لو ماهي عادتك
بس تصرفي معهم كانك امهم عشان العجوز تاخذ فكرة انك حريصه على ذريتك
6:كل ما اكلت امك من اكله زينه خليها تقول مثل اللي تسويها بنتي
(حتى لو الاكل صيني او مكسيكي )
7:اذا جيتي بتمدين ايدك توجعي وخلي امك تقول :قايله لك وانا امك لاتنظفين جدران الفله الخارجيه بس انتي الله يهديك ذابحتك النظافه
جعلي ما ابكيك اجل بتنظفين جدران الفله الخارجيه !!! اول نظفي غرفتك
اللي تقولين ثايره فيها قنبله ذريه
8:اذا تكلموا الحريم عن العرس اكتكي نفسك لين تحمر خدودك عشان يقولون البنت تستحي ومالنا حق نتكلم عندها بس لا تكتمي نفسك بزياده وتروحين فيها واصير قتلت نفس بغير حق
9:مهما كان الحوار حماسي لا تبدين رايك خليك مثل الطرمان لان اللقافه تجيب اجل الخطه
10:شعرك افرديه لاتخلينه طاير وشوشه مهما كانت الموضه لان العجزه مايدورون الا اللي شعورهم ناعمه
11: اذا ادلت العجوز (ام المتوهق ) باي راي سواء سياسي ولا وطني ولا اقتصادي وافقيها عليه حتى لو انه ماسخ وماله داعي
مثلا تقول العجوز امس بوش متقهوي عندنا يافلانه !! قولي لها وليه ما علمتين يا خاله كان جينا نعاونكم؟؟
12: في العروس لا ترقصين واعتبري الرقص عيب وشق جيوب (اقضبي ارضك وانثبري)
13:اذا جا طاري السوق وهو طبعا لازم يجي لانه ملح الجلسه خلي امك تقول بناتي ما يطلعون السوق ابوهم يجيب اغراضهن





))))))))))احتمال وارد الحدوث((((((((((
يمكن العجوز تكون منشنه على بنت غيرك لكن بعد النقاط السابق ذكرها بتصرف النظر عنك وعنها <<<<<لا تصدقين امزح



نروح للمعرس الحين >>>>>
اهجدي في بيت اهلك ولا عاد تطلعين واذا جا المعرس يشوفك خلي ابوك يقول والله ودي تشوفها من غير ما تدري عشان تاخذ راحتك وانا عمك
وبعدين تشوفها عالطبيعه عشان لا تقول غشيتوني (ايه هين يالشايب والله لو بيدك تحط مكانها هيفاء ولا نانسي )

وقبل يجي اليوم اللي بيشوفك فيه باسبوع او اكثر على حسب شين وجهك
(اركضي من صالون لصالون صبغه , فرد , تنظيف بشره ........الخ)
لا تخلين على روحك قاصر وخلي اخوك يوقف مع المعرس عند الشباك عشان ما يطول

بعدها عاد كيف بيشوفك عليك مو كل شي بعلمك اياه ايه وفي نهاية المشهد خلي ابوك يقول العذر والسموح وانا عمك <<<< ضمن الولد يوم يقول وانا عمك ,,,
ترا البنت حوسه (مع انك طاقه كل زينتك )بس بها اللحظه الولد بينط على راس ابوك ويبوسه لين يشفط مخه ويقول متى العرس يا عم


عاد الله يوفقك ولا تنسينا من حلاوة العرس

)))))))))))))))تحذير((((((((((((


ابتعدي عن امهات العيال المتعلمات راعيات الشنطه لون الجزمه



ملطووووووووووش

هههههههههههههههههههههههههههههههه
خخخخخخخخخخخخخخخخخخخخخخخخخخخ
خهخهخهخهخهخهخهخهخهخهخهخهخهخ
هعهعهعهعهعهعهعهعهعهعهعهعهعهعهع
لااااااااااااااااااااااااااااااااااااااااااااااااع


ثااااااااااااااااااااانكس دلوعة الرياض

مع انو مالي شغل بالموضوع لكن والله>>>>>>>>فاطس من الضحك


تحياتي لكاتب الموضوع