قهوتي سكر زياده،والجرايد أخبارها ساده

--------------------------------------------------------------------------------

قهوتي سكر زياده..
الجريده

1- في كل صباح ... تحمل العالم يديني أخبار ... ومآسي . .. حروب أقراها في طي جريده قهوتي سكر زياده والجريده أخبارها ساده

2- في الزاويه أقرا خبر ... واحد في الأنعاش ... والثاني أنتحر ..!!!؟؟ وجنبه إعلان :- الليله حفله يحييها فنان ! وفوقهم مجرم على كتفه حمام قالوا ذا صانع السلام؟

3- وبعدها بصفحات ... صورة مدينه ومباني حزينه .....؟ وحشيه ودمار ... ياحلوها الأخبار .... ! قهوتي سكرها زياده والجريده أخبارها ساده

4- إعلاااان :- ضاعت كلبة فلان ... واللي لقاها له جائزه مليون

إعلاااان :- ملايين البشر من جوعهم يشكون !...! حااادث في تمام الساعه الفاجعه في منتصف الويل ... وحادث إغتصاب طفلة يعتدي على عرضها شاب والقهر ما تعدت من عمرها الأعوام والحكم 20 عام بالتمام بين قوسين كلها سنتين وياخذ إفرااااج حسن سير وسلووك .. قهوتي سكر زياده والجريده أخبارها ساده

5- وبعدها صفحه ملونه وحده قرعه ماتدري ليش وكأنها واحد داخل الجيش والثانيه شتان شعرها واقف طويل تحسب إنه مهرجان وفوضه مابعدها فوضه ولما تمعنت وقريت عرفت إنهاااا الموضـــه

6- أبراج :- قــلت أنا بقرا الأبراج يمكن ألقى لي خبر يطيب الخاطر ويعدل لي المزاج ... الحوت :- أنته مريض وجايز تموت ... كذبت أحساسي وقلت في نفسي أكــيد أنا ناسي ماهو ذااا برجي أكـــيد ذاا برج العدوو....؟ قلت أنا بقرا الدلو :- تخونك حبيبتك مع واااحد حلو

قهوتي سكر زياده والجريده أخبارها ساده

7- طبقت الجريده مثـل ماكانت وقعدت أدور وين الذي باعها وين ؟ لما لقيته رديت الجريده وخذت الدرهمين

امير الشوق

صح الله لساانك واحساسك وكلك .. اكثر من رائعة

ماشاءالله عليك .. بس


سجلي اعجابي .. بك

الله يعطيك العافيه ولا يحرمنا من هذي الموضيعك الكثر روعه


تحيااااااااااتي لكاتب الموضوع